Archives for abendua 2022

https://patxilarrainzar.educacion.navarra.es/web/blog/2022/12/23/3790/

Gaur goizean Olentzero eta Mari Domingi menditik gure eskolaraino iritsi dira. Pozaren pozez, gelaz gela aritu dira eta haurrekin hitz egiteko aukera izan dute, baita opariak banatzeko ere!

Argazkiekin disfrutatzea espero dugu!!

OPOR ZORIONTSUAK ETA URTE BERRI ON!! 

Ostiralean, haur bakoitzak bere fruta brotxeta prestatu zuen! Ze goxoa zeuden! Poliki-poliki handitzen ari gara! On egin!!

Aurreko ostiralean gabonetan murgiltzeko, HH1A eta LH 6A geletako ikasleok hamaiketako berezia prestatu genuen: TXOKOLATEDUN – FRUTA BROTXETAK . Dastagarriak benetan! Hona hemen, fruta jaten ere, disfrutatu daitekeela ziurtatzen duen bideoa!

Atzo Iruñean Bertsolari Txapelketa Nagusiko finala ospatu zen eta Maialen Lujanbio Zugastik hirugarren txapela poltsikoratu zuen. Gure eskolako aita den Sustrai Colina Akordarrementeria laugarren postuan geratu zen.

Zorionak Maialen eta Sustrai! Zuekin gozatu eta emozionatu ginen!

Maialen Lujanbio Zugasti txapeldunaren agurra:

Herriak ta hizkuntzak
zuten norantzari
gai gehio lotu zaio
lehengo ardatzari
ta munduak hartu dun
itxura latzari
aurre egiteko beraz
laguna altza hi
bultza hainbat borroka
ederren martxari
kontrapisu eginez
eskuin balantzari
txapela bete indar
mingaina dantzari
borroka irabazteko
desesperantzari.

Sustrai Colina Akordarrementeriaren agurra :

Lehen topa gure dekadentziaren
onenean gaudenentzat
gorantz erori eta josteko
justiziaren larru beltzak
baina garenez jendez eginak
gora Maialen ta lagun-minak
segi auspotzen ametsak
etorkizun bat nahi dut zuentzat
Ekainentzat, Aiurrentzat,
emakumezko asterisko ta
gizon berrikasientzat
hitzek ekintza eskatzen dute
baina gaurkoak izan nahi luke
bihotz taupada bat behintzat
gutasun berri batentzat.