Maiatzaren 29tik ekainaren 2a arte “Multiabentura astean” murgilduak egon gara 6.mailako ikasleak. Rocopolis, Salting, eskolan lo egin, BKZko ekintza anitzak… Patxi Larrainzarreko azken urteari amaiera bikaina eman diogu!
MULTIABENTURA ASTEA
Archives for ekaina 2023
EUSKARA NAFAR GUZTIONA
Sorionekuak dinamikak larunbat honetarako Iruñean euskararen etorkizunari ongi etorria emateko jaien jaia eta festa giroan eginen den herri mobilizazioa antolatu du. Azken hau izanen da eguneko ekimen nagusia, 17:30etan Antoniutti parketik abiatuko delarik. EUSKARA NAFAR GUZTIONA izango da mobilizazioaren leloa. Euskara nafar guztien ondasuna dela uste dugu, ulertu ala ez, jakin ala ez, erabili ala ez. Irulegiko eskuak zerbait erakutsi badu, horixe da, euskara hemengoa dela, Nafarroakoa, ez museoko pieza izateko, elkar ulertzeko eta etorkizunerako hizkuntza izateko baizik. Egunaz gozatzera eta herri mobilizazioan parte-hartzera gonbidatu nahi zaituztegu. Euskara nafar guztiona!
“Esku bat” kanta
‘Sorionekuak’ koreografia
INGELESEKO ANTZERKIA
Pasa den ostiralean LH 3. eta LH 4. mailakoek ABRACADABRA izeneko antzezlan bat ikusi genuen ingelesez. LH 5. eta LH 6. mailakoek, berriz, MUNCHAUSEN izenekoa. Primeran pasa genuen!
ARROTXAPEAKO ERRALDOI ETA BURUHANDIAK. HAUR HEZKUNTZA 2. MAILA.
Pasa den ostiralean, maiatzak 26, Arrotxapeako erraldoi eta buruhandiak ikustera joan ginen. Oso ongi pasatu genuen!
ESKOLAKO FESTA
Ekainaren 3an eskolako festa ospatu genuen. Eskola osoaren partez eskerrak eman nahi dizkiogu Guraso Elkarteari festa prestatzeko hartutako ardura eta lanagatik. Egun oso polita eta berezia izan zen guretzat eta izugarri disfrutatu genuen. Bihotzez mila esker parte hartu duzuen familia guztiei!
